الشعر …..
شعر : محمد جنيدي – مصر ….
لما البكا يجرح عيوني
إيه راح يفيد دمعك يا عين
لما السهر يسكن جفوني
يفرح بإيه قلبي الحزين
سلم يا ليل من غير ملامه
خلّي النسيم يرجع عليل
وابعتله من شوقي وسلامي
يمكن يهون ليلي الطويل
****
أسهر مع الماضي ليلاتي
ويطل طيفك بين آهات
والقاني بوهبلك حياتي
ويا دموع من الذكريات
سلم يا ليل من غير ملامه
خلّي النسيم يرجع عليل
وابعتله من شوقي وسلامي
يمكن يهون ليلي الطويل
****
تاه القمر بين سير نجومي
يا ريت يا ليل تحلف يمين
وتقوله طيفه بين عيوني
سهران وعالم بالحنين
سلم يا ليل من غير ملامه
خلّي النسيم يرجع عليل
وابعتله من شوقي وسلامي
يمكن يهون ليلي الطويل
m_mohamed_genedy@yahoo.com