الشعر …..
شعر : محمد محمد جنيدي – مصر ….
يللي اتأذيت م. الناس وصبرت جد
مستني مين يعطف عليك غير الأحد
لو كنت فاكر الناس فيهم جدع
تلقى الجدع صابر ومبيشكيش لحد

آه يللي م. الأيام أسيت شفت العجب
ديما تداري ومرجعك كلمة يا رب
طل الغروب وانا لسه باسمع حكمتك
عشت ولقيت فوق الجبين حظي انكتب

دقت الهنا دقت العذاب وبقيت غريب
شفت الأمان بسمه على وجه الحبيب
وبقيت بخاف من ضعفي بس لقيت أكيد
أجمل دموعك في سجودك للرقيب

إياك تخاف من فقر يبقى مفيش إيمان
إياك تسلم للندم وتقول دل كان
استنى بكره ببسمتك مهما يكون
جدد إيمانك لما تسمع صوت آذان

محمد محمد علي جنيدي- مصر
m_mohamed_genedy@yahoo.com