جربت تعيش بعيد

****************

جرب الغربة

وابعد بعيد

بيع الليالي

وعيش وحيد

تتمنى ترجع لها

وتعيش سعيد

وسط اهلك

كان كل يوم عيد

**********

في بعدها

نشتاق لكلمة حنينه

 أو حضن دافي يلمنا

حتى العذاب فيها نشيد

واليوم اللي جاي فيها

أكيد هيكون سعيد

وده مش بعيد

 ***********

ماهي بلدنا وأمنا

اللي تملى تلمنا

لما بعدت عنها بكيت

وقلت يارتني

ماكنت جيت

ده أنا كان ليَ فيها  بيت

وعيال ولمه وغيط

ولما بعدت عنها

 تعبت وإتهديت

*********

في بعدها       

 الليل طويل

 أسود حزين

والنهار عني بعيد

أبكى غربتي

وأنا وحيد

 ودمعي مش بيفيد

************

 

افتكر أيام

ما كنت في حضنها

دفيان سعيد

وهى بتطبطب

  ومدة لي الأيد

 وصوابعها شموع

 كل مانطفيها ترجع تقيد

 

**********

ولادها هم اللي زعلوها

 وهدوا فيها كل جديد

 فجروها وحرقوها

ومدوا لعدوها الأيد

واللي يبيع بلده

بيضيع أكيد

 

*********************

 

وهى حزينة

تنادى بالدمع والتنهيد

يا خسارة يا ولادي

 ضيعتوا أمكم

وخليتوا أخوكم

يصبح شهيد

 

*****************

ورغم كل ده

لا ها أتبرى منكم

ولا ها أطردكم بعيد

ها أرجع من تاني ألمكم

 لكن بعد ما تعرفوا

 فايدة التجنيد

وتبوسوا التراب

اللي مر عليه كل شهيد

وتطلبوا السماح من ربكم

هو اللي عليكم شهيد

بقلم /الكاتبة الصحفية سحر فوزى