التصنيف : الشعر (:::)
بقلم  : عبداللطيف مبارك – مصر (:::)

فوق جسمها
رسمتنى عقرب ….
وف لدغتى الأولى …….
……………………..
……………………………. باموت
***
بتمد إيدها لحلمها ….
مكسوره إيدها لشدها
***
عناوين
وأنا فيها القريب .. …
أعمى
***
لمينى …….
من كل شارع
كل حاره
كل دار
ورينى وش الإنتصار
……. إزاى ملامحُه تكون وإيه
***
قوليلى إيه آخرتها بيننا ….
نيلى …و ……. ( نيلك)
هرمى ….. و …. ( هرمك )
تفتكرى تانى شبابنا يرجع…؟
***
مين قالها …
إن آنا كنت ف مظاهره
(علم)
***
شفافه ..
لما عنيّه تطل عليكى ..
و ………….
مشوفكيش
***
معنديش إختيار تانى
غير السبيل الوحيد …
للهزيمه
لمّا نظرة من عنيها
بتشهر …..
سلاحها
***
تتخبى موجه … ف ضل … موجه
وانتى آخر الموج ……
تشاهدى قدرتك
ع البحر يعزف …..
مولده
***
المعجزه
إن الملاك يدخل قلوب العطشانين
للعشق …
برداً …. و ….. سلاماً
***
لمّا إنتى مالكه الكون …….
ف قلبى ……..
دخلينى جنتك
**
زىّ طير البحر …… قلبى
تاخدُه ريح عشقك …….
معاكى
***
قدك ………
ف توب السيسبان
***
وانا المسطول بخمر الضحكه
……. صُبيلى
***
كام مشنقه …….
للحلم

***
ب أنادى
وانتى الأميره ف توب بلادى
طللى شعبك
و ….
إنزلى
من برج عاجى