الرابط : الشعر ::
فايز الخطيب – نيوجرسي ::
يا بو عرب من كثر كذبك ما ظل حولك ولا صاحب
لفيت كل الولايات من شرقها لغربها وارجعت خايب
ذنب الكلب أعوج ولو حطيته في ميت قالب
لو ترضى بنصيبك يا بو عرب بتعيش طول العمر غالب
باب الرزق مفتوح ومافي حدا مظلوم أو خايب
***
بياع كلام يا بو عرب من يشتري ويشيل
ضريب شباري وطخ وبرقبته مليون قتيل
وبتدخل ع الملك من دون قال و قيل
ما هو الملك من عظام الرقبة مالوا مثيل
والحرس بضربلك سلام يا بو لسان طويل
***
سلمت ع الزعيم ولا ما سلمت ما حدا شايفك
وما عندنا وقت يا بو عيون سود وما حدا عارفك
على بال مين يلي بترقص في العتمة والهم كاشفك
ما ظل حدا في الجالية يا بو عرب خايفك
لو بست ايد الزعيم ولا مصمصتها الخوف خاطفك