الشعر ….
بقلم : محمد محمد جنيدي – مصر …
ومرِّت نسمتين حلوين
وطيف جاني بشوق وحنين
وراجع تاني بعد سنين
كأنه مغبش غير ساعتين
حبيبي يا أمل بكره
يا طيف فـ القلب عاش لينا
تعالى افرح هنا مرَّه
كفايا نعيش لبعضينا
===
يا شاغل روحي روح قلبي
تبوح بالحب وين ما تروح
تصون العشرة في قلبي
وقلبي في هواك مجروح
حبيبي يا أمل بكره
يا طيف فـ القلب عاش لينا
تعالى افرح هنا مرَّه
تعالى نعيش لبعضينا
===
يا طير طاير على الأغصان
يا ريت تحكيله عن حالنا
سنين مرت وانا حيران
بمنِّي القلب بوصالنا
حبيبي يا أمل بكره
يا طيف فـ القلب عاش لينا
تعالى افرح هنا مَرَّه
تعالى نعيش لبعضينا
===
رضيت بالماضي والذكرى
وصورة جُوَّه بعنينا
وبَوْصِل فيها أحلامنا
يا ريت ترجع أمانينا
حبيبي يا أمل بكره
يا طيف فـ القلب عاش لينا
تعالى افرح هنا مرَّه
تعالى نعيش لبعضينا
محمد محمد علي جنيدي – مصر
ت 01220480501
m_mohamed_genedy@yahoo.com