الشعر ….
شعر : محمد علي جنيدي – مصر …
يا بيت أهلي يا عمري الغالي يا حياتي
يا أجمل أمِّ فالدنيا يا مولاتي
أنا فيكم بنام واصْحَى مبنساشي
أبويا الغالي ضهري ولمِّة اخواتي
وياما سهِرْنا ياما الحزن ودَّعنا
وياما فرحنا ياما الحلم جمعنا
ومهما دموع تحيَّرني هوى الذكرى
يداوي الحزن وانسى معاها دمعاتي
يا بيت أهلي يا عمري الغالي يا حياتي
يا أجمل أمِّ فالدنيا يا مولاتي
أنا فيكم بنام واصْحَى مبنساشي
أبويا الغالي ضهري ولمِّة اخواتي
***
وكنا ننام على حكايه تسهَّرْنا
ونصحَى نلاقي ست الكل جمعانا
ننام الليل وأمي عنيها سهرانه
وقبل الصبح ما يشقشق بترعانا
وأب حنون كأنه نور لأيامنا
حبيب الروح وروحه الحلوه ويانا
لكان يأسى على جراحنا ولا يسيبنا
نبات نبكي لشكوى نُحُشْها جوانا
يا بيت أهلي يا عمري الغالي يا حياتي
يا أجمل أمِّ فالدنيا يا مولاتي
أنا فيكم بنام واصْحَى مبنساشي
أبويا الغالي ضهري ولمِّة اخواتي

m_mohamed_genedy@yahoo.com