الشعر …..
شعر : محمد محمد جنيدي – مصر ….
عشان صوتك يكون عالي
تأدب تبقى ف.العالي
تأدب وانت بتناقش
تأدب وانت بتحاور
تأدب واحسب الكلمه
يجوز تجرح
يجوز تدبح
وخاف من ربك القادر
لباس الحق توب أبيض
وريحته المسك والعنبر
وروحه بحلمها أكبر
وعمره ف. يوم ما كان جائر
تأدب حتى في كلمه
دي كلمه بتصنع الأزمه
ورب الكون ( بكن ) كانت
بكلمه.. الدنيا عشناها
ورب العرش سواها
وبكره بكلمه.. راح نرحل
وكل الناس هتتحاسب
تأدب لما تتكلم
ولو حتى بتتألم
ولو مظلوم ومضايق
ولو مقهور ومش طايق
ما بين قلبك وروح الله
مفيش حاجز ولا حاجب
تأدب دا الأدب حجه
وقيمه ف.لحظة الشده
بلاش تغلط عشان حقك
عشان دينك عشان أصلك
عشان تصبح سفير ربك
وخيرة خلقه بين الناس
دا فيه م. الناس عفن إسود
وناس بتخون وتتمرد
وناس معدنها شيء غالي
أعز من الدهب والماس
عشان صوتك يكون عالي
تأدب تبقى ف.العالي
محمد محمد علي جنيدي – مصر
m_mohamed_genedy@yahoo.com