التصنيف : سخرية كالبكاء (:::)
بقلم : نجوى المغربي – مصر (:::)
يسرى مهندس شاطر , مش عاجبه حاله , يريد أن يعيش خارج طين أمه وبلاده , هرب لفرنسا وفي أمريكا تعلم ودرس اللغات والهندسه والنساء , استقر بأمريكا  , استهوته امرأة شاطره , حولته لزوج لها , قدمت له نفس طعام أمه فى لفائف نظيفه وبلا طين فهام بها وأقسم أنه يعيش بالمملكه العربيه الأمريكيه , يقعد
يسرى على الفيس بوك 48 ساعه فى
ال 24 ساعه يتمنظر ويعرى
عورات كل المخلوقات العربيه
ويضحك أغبياء الوطن الذين كل
جريمتهم أنهم لازالوا بالوطن ,
الحوار ممتع وبسيط
سأنقل لكم جزء منه

يسرى : هؤلاء العرب لاأعرف كيف
يفكرون  ولماذا لا يمتلكون برك
سباحه فى منازلهم ويصرون أن لهم
جسدا نظيفا مثلنا .

عاطف أحد أصحابه متعلم ويحمل
نفس مؤهل يسرى , يرتكب جريمة
أنه لازال يعيش ببلاد العرب يرد ,
صدقت ياباشمهندش احنا ولاد كلب
صيع لازم تأخدوا نوبل بعد ما
تعدمونا لأننا صدمناكوا بالتشبه بكم

يسرى
هههههههههه , ايوه فوقوا احنا
سايبينكوا  بمزاجنا

يسرى
تعرفوا امبارح وأنا باكل
الهامبييرجييير حسيت أن فيه أسباب
تانيه كانت سبب لقصور التفكير عند
العرب أغفلها العلماء , ثم يبث
صورة له وأمامه كومه  سندوتشات

رشدى : أحد زملاءه وتعيس عربى
تصدق صح ياباشمهندس ,حضرتك
عبقرى , ماشاء الله كل دى
سندوتشات هامبورجر ولا دا واحد
كبير وبيولد ولا ايه ؟ ,علشان كدا
حضرتك
تخنت جدا

يسرى
فكرونى لوفكرت أنزل أجازه أجيب
ليكوا هامبيرجر من هنا ال بيتباع
عندكوا دا اسمه طعميه .

الجميع وأكف الضراعه مرفوعه
ربنايخليك لينا ياباشمهندس ربنايخليك

الباشمهندس
ولايهمكوا
فاصل من صور الباشمهندس
صوره بالسياره الغيرمعروف اسمها
فى بلادالعرب فهى غير الهيونداى
والبيجو خالص

أحدالزملاء
ملك , لايقه جدا كأنها اتعملت
لحضرتك مخصوص .
آخر
حضرتك حتفضل شباب على طول
غيرنا خالص
يفلت صوره أخرى لمدخل الكازينو
الذى يرتاده , ومكتوب عليه فعلا
كازينو.
التعليقات
أيوه ياعم عيش
هى مراتك معاك
يسرى : طبعا أنا واضح وأن كان
عاجبها
زميله : طبعا احنا رجاله وحضرت
كنت أرجلنا
زميل آخر : هوأنتوحتتعشوا فى
المكان دا , شكله غالى جدا.
يسرى متجاهلا مرسلا صوره على البلاج وهو بالشورت وحاضن مراته
– ذات الستين ربيعا –
التعليقات
رائعه وجميله جدا المدام
ممتازة بالامانه تسلم لنا عليها
محترمةجدا على فكره وملكةجمال
المدام كانت بالمايو , وليس لها أى علاقه بنون النساء .