مرت حياتك – شعر : محمد جنيدي

الشعر …
شعر : محمد محمد جنيدي – مصر …
مرت حياتك ولا لسه ما ممرتش
مرت ما مرت قلبك ضميره ما شفش
من بطن أمك جيت ولبطن أرض تخش
عتمه وروح هتشوف كل اللي فاتك وش

عجبي عليك يللي حكمت بظلم
بتقول صحيح وانك فرزت الفيلم
خايف تكون مخدوع من جهل لابس علم
أو بان قناع الشر لعنيك صراحه وسلم

صعبان عليه الآه لما ما تلقاش دوا
ولا شريف تلقاه أصبح لظالم فدا
آه من جحود الناس كاسها بطول المدى
داير على غلبان من حزنه بس ارتوى
محمد محمد علي جنيدي – مصر
m_mohamed_genedy@yahoo.com