رباعيات ( كورونا ) بقلم : محمد محمد جنيدي

الشعر ….
بقلم : محمد محمد جنيدي – مصر …
لما البلا يقفل درف كل البلاد
لما الهلع يسكن قلوب كل العباد
لما كورونا تحبسك في فيلتك
فين قوتك والجاه وراح فين العناد!!
*
يا كورونا يا جندي العزيز واللهِ جد
جسمك مفيش لكنك أقوى من الأسد
أتخن تخين قَفَل البيبان واهو قال يا رب!
اجعل ما بِينَّا وبين كورونا ألف سد
*
أنا عارف ان كورونا من سوء العمل
من ظلم خَلَّى الناس ف. منفى ومعتقل
لكن يا ريت الناس تِحِسِّ بنفسها
ويأدوا حق الله عشان يَصْحَى الأمل
*
يا عم يا بن البيه ولا هَمَّك فقير
كورونا بحر وهاج وبات زي الأسير
هتقول عليه نصاب إذا مَدِّ السؤال
وانْتَ فْ. سَفَر لله تارك دهب وحرير
*
يا حاكمين الناس معدش مجال لظلم
ومعدش يحميكم سلاحكو المنهزم
أضعف جنود الله قتل فيكو الغرور
سبحانه مَنْ لو شاء سَيَّر بحور مِنْ نقم
***
محمد محمد علي جنيدي
[email protected]

أترك تعليق أو مشاركة

من الأرشيف

أترك تعليق أو مشاركة