وطن المبدع – شعر : محمد جنيدي

الشعر …
شعر : محمد محمد جنيدي – مصر …
أصعب شيء عالمبدع إنه
تحجر على تفكيره وفنه
هوه يفكر يهديك شمعه
وانت بجهلك خايف منه
لو تعقلها صحيح مش أكتر
عمرك يوم ما هتبعد عنه
هوه دليلك حول العالم
هوه سفينتك في أسفارك
هوه أساسك وانت بتبني
هوه الشادي على أوتارك
هوه الحكمه يوم تفقدها
هوه ملاذك في إعصارك
سيبو المبدع يكتب كلمه
يضوي الفكره من مصباحه
سيبو المبدع ينسج غنوه
يرسم رسمه تشفي جراحه
خلوا المبدع بنا مرايه
نور لقلوبنا ف. وسع براحه

محمد محمد علي جنيدي – مصر
[email protected]

 

أترك تعليق أو مشاركة

من الأرشيف

أترك تعليق أو مشاركة