العيا في الروح – شعر : طلال حماد

الشعر …
شعر : طلال حمّاد – فلسطين المحتلة …
العيا في الروح
مش أي عيا
والقلب ينبض
حيا
والحيا
مش أي كلام
يا أدعيا
للفنا
ومش للحيا
ضبّوا متاعكم
وارحلوا
واخجلوا
خرّبتوا بيوت
برغم الرياح اللي كانت
تصفق
بين شبابيكها
كانت أمان
وشبابيكها اللي خلّعتوها
كانت قواوير زرع
ورود على ألوانها
وريحانها
فوّاح
وهدّمتوا
بأفكاركم
وأطماعكم
اللي فات عليها زمان
أوطان
كانت لامّة شعوب
أشكال وألوان
بأفراحها
وأتراحها
وعايشة باللي كان
جيران
بيؤمنوا بكل الأديان
وبيحتفلوا
مع بعض
من غير بغض
جبتوه
في قلوبكم السودا
ونشرتوه
زيّ غبار
حرب مالهاش قرار
حرب ذرية
تنشروا فيها دعوة
بين الناس
اللي صاروا
من جهلكم
أموات
يا إمّا تحت التراب
يا إمّا في شيء
لسه بنسمّيه حياة
العيا في الروح
مش أي عيا
والقلب ينبض
حيا
واليوم عيد
كم ذبحتوا
عشان يكون سعيد
من أضحية
من غير حيا؟

 

أترك تعليق أو مشاركة

من الأرشيف

جديد صوت العروبة

أترك تعليق أو مشاركة