للفلسطينيين.. نصيحة من محارب قديم – بقلم : اللواء علاء الدين سويلم

راء حرة …
بقلم اللواء علاء الدين سويلم – مصر …
انا مش عايز فلسطيني يتقمص مني ….
لكن النصيحه واجبه ،، واكبر منك بيوم يعرف عنك بسنه ..
ولو الاكبر يبقي واحد زيي ( ضيف كلمه ضوئيه بعد سنه )…
ولزوم الرفق بس مش هاتكلم مباشر لكن هاحكي ليهم من التاريخ والحدئ يفهم ،، واللي مش هايفهم يخبط دماغه في الحيط .

بص ياطويل العمر :
لن تجلس اسرائيل معاكم للتفاوض علي حل جذري الا بأفعالكم ومقاومتكم علي الارض ،، اوعي تصدق انها هاتتعطف عليكم ( بضغط امريكي او مصري او سي المجتمع الدولي )…
نغمه اللطم بتسعدهم وبتكرس لعجزكم وبتثبتوا قصر نظركم بتقديم انفسكم للعالم ( كلاجئين غلابه مش مقاومين وباحثين عن حق )…
وهاروح بعيد ليه —-
ايه اسرائيل دي جنب انجلترا الامبراطوريه التي لايغيب عنها الشمس في اوائل الخمسينات وهي تحتل بالحديد والنار خط كنال السويس بالكامل بسلاح  وعتاد ومعسكرات وقهر وحكم عسكري احتلالي  !؟
لكن :
المقاومه الشعبيه طلعت عينهم ،، مابين هجوم عا المعسكرات ،، لخطف جنودهم وضباطهم ،، لتفجير مخازنهم ،، لدرجه وصلت انهم  لايغادرون المعسكرات للتجول كما اعتادوا في مدن القنال …
المقاومه اجبرتهم علي التفاوض …
ايها الفلسطيني : كان فيه زمان اعلان بعد حرب ٦٧ في اوروبا بيقول ( ادفع دولارا تقتل عربيا )،،،، النهارده اوان تفز من مكانك وتدور ازاي تقتل كل يوم اسرائيليا وسيبك من هبل السواريخ وابصر ايه ،،،
كل يوم صبحهم بتدمير واختطاف وقتل … مثلا يعني عاجبك الاف الضحايا في غزه ومالهومش سعر ولا قيمه ،، مش كان اولي يموتوا وهم واقفين مقاومين كأشجار السنديان ؟!
طول مابتقول وين العرب ووين المجتمع الدولي هاتتنك ناييف مثير للشفقه ولا هاتاخد حق ولا باطل ..
اهو امامك انت اللي متمرمط ومدبوح ،، واسرائيل تحصد انحياز العالم لهم وحقهم ( في الدفاع عن نفسهم )…
بص ياأخ :
انا من جيل عاش حتي وهن عظمه واشتعل رأسه شيبا وهو يسمع عن ( قضيه فلسطين )،،، ولي عندكم بحكم السن وخذلانكم لي نصيحه هي ماكتبته هنا ،، ولن يقولها لكم احد حتي ولا قادتكم ،، لان الدنيا اخذتهم ،، وادمنوا الاستسلام

أترك تعليق أو مشاركة

من الأرشيف

أترك تعليق أو مشاركة