كدا يا سياسه

الشعر (:::)
محمد محمد جنيدي – مصر (:::)
كدا يا سياسه يا بنت الإيه
مسويش عندك نص جنيه
يبقى أخويا ويعيب فيه
وتهون عشره كبيره عليه
يبقى أبويا ويقطع بيه
بعد ما كنت أنا ضي عنيه
هيه سياسه ولا غباوه
لما باعوني وبعت انا ليه
كدا يا سياسه نهين وحدتنا
والبنيان يسقط بإيدينا
داحنا سطرنا تاريخنا محبه
علشان روحها تعيش حوالينا
عايز أعرف ليه اتفرقنا
مين خلانا خصوم بعضينا
هيه بلادنا هتكبر لما
نروي ترابها بدم عنينا!
هيه سياسه ان اسجن اخويا
واقتل جاري واعيش متعاجب
لازم يستأذن واوافقله
قبل ما يتظاهر ويطالب
علشان يصرخ لازم اذله
مش دنيتنا عبيد ومناصب
يا خسارة الحريه فـ ثوره
كان يوم ليها صوت ومطالب
الحق اننا لازم نرجع
لازم نعرف إننا واحد
مصر ترابها وكل ولادها
مش هيفرق بينهم جاحد
مصر دي كانت أجمل زهرة
فارده غصونها وربنا شاهد
ليه نضيعها ونضيع واحنا
أرضنا واحده وشعبنا واحد
—————-
محمد محمد علي جنيدي – مصر
[email protected]

أترك تعليق أو مشاركة

من الأرشيف

أترك تعليق أو مشاركة