وأنسيت اقلك يا أنا !!

الرابط : الشعر :
فراس حج محمد – فلسطين المحتله :
“انْسِيتْ وَانا عالباب أكتبْ لكْ جوابْ”
ذاب الكلام اللي في بالي، وما وعِيتْ
هذا الغياب اللي ضناني في العذابْ
وما دريتْ؟
إني على غيابك بكيتْ!
وصارت افكاري ضبابْ
*******
“وانسيت وانا عالباب أكتب لك جوابْ”
فارت عروقي باللهبْ
واجتاحني ليل وصَخَبْ
وارضيت في عذركْ
وانا مصلوب في ليل الغيابْ
******
“نسيت وانا عالباب أكتب لك جوابْ”
نسيت أقل لك يا حبيبْ
نسيت عطر الروح في باقي الكلام
وخليتني محموم
وأشلائي حطام
وخليت كل الهواجس يا قريب
تحكي معي
تمسّي معي،
تصبّح عليك وتِبْسِتِمْ
تسخرْ من الشوق الغريبْ
اللي سبحْ في الظل في وهم السرابْ
********
انسيت وانا عالباب أفتحْ لك البابْ
ما كان في بالي غياب
ما كان في بالي عتابْ
“وانسيت وانا على الباب أكتب لك جوابْ ”
*******
وانسيت أقلك يا أنا،
يا روح روحي والهنا
يا أغنية فيروز في هذا المسا غابتْ
والريح تُقْتِلْ في الشجرْ
ما عاد يسلّيها القمرْ،
كنا إله جيران
واليوم، وقبل اليوم
وبعد بيوم
يسـأل حنيني والهوى
وغاب في صوته وذاب
“وانسيت وانا عالباب أكتب لك جواب”

أترك تعليق أو مشاركة

من الأرشيف

أترك تعليق أو مشاركة