وكان الحلم – شعر : محمد محمد علي جنيدي – مصر

الشعر ….
شهر ” محمدجنيدي – مصر …
أنا والآه وأيامي سوى عايشين
نغني غنوة الحرمان بقالنا سنين
وفين قلبك وفين قربك حبيبي فين
حبيب الروح فداك روحي ونور العين
يا طير طاير تفكرني بأغانينا
أمانة عليك توصلنا لمراسينا
وهات روحه هنا جنبي وفتنا وروح
يطيب الجرح لما يعود حبيب الروح
= =
على الأوتار على الأغصان بشوف طيفك
واعيد ذكراك وحاسس بيك وبحكيلك
حاولت انساك حبيب الروح ولا نسيتك
بعيد عني قريب مني بناديلك
يا طير طاير تفكرني بأغانينا
أمانة عليك توصلنا لمراسينا
وهات روحه تزور روحي وفتنا وروح
يطيب الجرح لما يعود حبيب الروح
= =
مهوش عادي وانا وحدي أعيش وياك
ولا عادي أنام واصحى على ذكراك
يسافر في هواك قلبي ولا بنساك
وليلي نهاري بندهلك وبستناك
يا طير طاير تفكرني بأغانينا
أمانة عليك توصلنا لمراسينا
وهات روحه تزور روحي وفتنا وروح
يطيب الجرح لما يعود حبيب الروح
= =
أنا والبدر والذكرى سوى عايشين
وطول العمر كان الحلم أشوفك فين
معاك يا روحي فين ما تروح بدوب ف. حنين
يا ريت يا قرب تجمعنا ولو ساعتين
يا طير طاير تفكرني بأغانينا
أمانة عليك توصلنا لمراسينا
وهات روحه هنا جنبي وفتنا وروح
يطيب الجرح لما يعود حبيب الروح
***
[email protected]

أترك تعليق أو مشاركة

من الأرشيف

جديد صوت العروبة

أترك تعليق أو مشاركة